Vudjon fatnasa museum

Nuortameara botnis vuoiŋŋasta máilmmi erenomáš kulturárbi. Lea alimus áigi loktet dáid vudjon fatnasiid ja eará bázahusaid ođđa museai.Vrak - Museum of Wrecks háliida addit gallededdjiide čiekŋalisbuokčaleami Nuortameara čiegusvuođaide.

Vrak – Museum of Wrecks lea ođđa mearraveagaarkeologalaš musea mii boahtá cáhkat dálá fanashállii Vása musea lahkosis, Djurgårdenii Stockholmmas. Čanastat Nuortamerrii lagasvuođain dološ soahtedohkkái ja vudjon fatnasii šaddá lunddolaš.

Musea mii rahpá 2020 gullo ovttas Vásamuseain, Mearrahistorjjálaš museain, Mearraveagamuseain ja Ruovderaŧŧemuseain stáhtalaš eiseválddis Stáhta mearrajohtolat ja fievrridanhistorjjálaš museat.

Stuora kulturárbi

Nuortameara erenomáš biras ja historjá mearkkaša ahte guovllus lea erenomáš mearri bures seailluhuvvon vudjon fatnasat ja eará bázahusat sierra áigodagain seamma luohkás go dovddus Vása láivi. Dat lea máilmmi eanemus johtaluvvon mearra, ja erenomáš mearrasáiva čázi, galbmasa, seavdnjada, vuollegaš suvrradoalu ovttastupmi Nuortamearas dagaha ahte materiálat juobe muorra, sáhttá seailut measta ollis dilis.

Maŋemus jagiid teknihkalaš ovdáneapmi ja ođđaáigásaš mearraveagaarkeologalaš dutkan leat dagahan ahte máhttu dán kulturárbbis lea ovdánan hirbmadit.

Čájáhus ja eará kanálat

Vrak – Museum of Wrecks addá ođđa oaidninčiega historjái ja dálá áigái. Gávdnosiid ja digitála teknihka vehkiin mii háliidit čájehit ja muitalit dain olbmuin,geain mearra lea leamaš eallinláibin, mearrageaidnun, soahtešilljun – ja hávdin.

Dát álbmogii dovdameahttun máilbmi boahtá ealáskahttot máŋgga ođđa vugiin čájáhusain muhto maid Vraksa websiiddus, mii lea dehálaš oassi museas. Olgomáilmmi fáktemiin ja ovttasbargguin eará riikkaiguin birra Nuortameara, Vrak šaddá eanet go museabigget – don deaivvat min máŋgga sierra kanálas.